Sod Ba Ha

Assalamu'alaikum kepada pembaca yang sudah kawin sama yang masih bujang. Ku ucapkan syabas kerana kamu sudah masuk situs yang bukan berniat untuk merandahkan mana-mana pihak ataupun negeri tapi blog yang khas ditujukan kepada mereka yang mau membaca. Selagi lagi tahniah.

Barangkali, kau tetanya-tanya napa tia titleku ani lain ada macam WHAT THE..? langsung macam nada erti tapi ketahuilah wahai kawan2 ku yang inda ku kenal. Sod ba ha atu kalau ditamukan jadi perkataan arab iaitu suboh. Kalau ada siapa2 yang inda pandai bahasa jawi bek tah kamu belajar pasal, kalau banar ko inda pandai bahasa jawi, indatah kamu pandai membaca qur'an tu sama kamu membali qur'an yang kana translate dalam bahasa rumi. Im only spectulating though. Jangan mara aaa nanti kana jual.

Anyway, suboh ani sepertimana yang tani tau adalah salah satu waktu sembayang yang diwajibkan kepada setiap orang islam. waktunya jatuh pada waktu ani jatuh pukul 516 minit pagi waktu brunei, kalau malaysia ahir dikit, kalau indon, inda ku pasti, kalau di england, lagi inda ku tau. tapi yang penting, waktunya jatuh masa kebanyakan manusia siuk tidur, ataupun nyaman tidur. Baru ku ingat sesuatu, kalau urang malaysia membaca blog ani prasanku inda ya paham kali pasal dulu ada kawanku urang malaysia ani, inda ya paham ckpku..so mintak maaf yek kpd pembace dari luar sane. Contohnya saja perkataan siuk atu, kalau di malaysia, dorang ckp seronok nyeee..

As i was saying, tidur yang paling nyaman ialah masa waktu suboh pasal masa atu, tani rasa waaaaa bek ku sambung tidur ku pasal hari ani lagi hari ahad, inda jua kraja sampai limpas tia suboh atu and tani qada saja masa zuhor. Again, kalau inda lurus statements yang ku nyatakan disini, luuskan tia pasal aku inda jua tau banar pasal keadaan kamu sekalian. kalau nada pembetulan ertinya lurustah tu ckp atu ah?

Kotauapa? Suboh ani banarnya cobaan yang paling barat untuk manusia pasal dimana-mana pun tani liat, waktu suboh atu sunyi bah and keta pun inda bnyk dijalan, kalau kan siuk sendiri belaju pun ok gak tapi liat2 air betakong, karang susah tu yo. Kalau siapa2 pernah ke singapore malaysia dan sebagainya, tani liat saja masa atu tenang masih tu macam seakan-akan dunia ani nada urang yang tinggal. Tapi kalau tani liat lagi dibawah microskop, tani akan dapati sebenarnya anilah cobaan yang Allah bari arah tani. Nyaman atu nyaman plang ganya, dosa meninggalkan solat suboh atu barat nyamu wang/dang

Aku pernah tebaca satu buku ani tapi inda ku tau dimana tia larinya, barangkali kana jaruk kali uleh kawanku. Dlm buku atu kana beritau kalau tani tidur atu kan, ada tiga ikatan yang setan ikat. Eh napa tia ceta sal setan ani and apakah itu setan? B4 aku bercakap dengan lebih detail tentang ikatan ani, bisai kali kalau ku explain apa itu setan.

Setan ani ada dua jenis, iaitu manusia sama jin. Ada yang kekajutan kali ni pasal baru first time dangar setan ani pun ada manusia jua. Well, ani dlm qur'an kana sabutkan, i think surah Surah An naas kali. Manusia setan ani selalunya menyuruh tani buat inda baik lah, macam suruhnya tani ke strip club, buka tudong, kai mini skirt, buang masa dapan tv bejam jam liat F.R.I.E.N.D.S, liat porno yang terbaru sama suruhnya tani ramai2 ke miri, minta servis. talurlah dorang ani tapi at the same time kesian plang jua pasal kadang2 dorang ani jahil pasal ilmu ugama sampai dorang fikir apa yang dorang buat atu lurus, inda bedusa..kesian kan. Etah kamu nah, adakah branti ugama darjah 3.

Setan yang kedua ialah setan jin..ahh..ani type yang tani slalu takutlah. ada video dlm utube atu pasal urang brunei teliat hantu ah..iatah namanya jin tu wang bukannya hantu tu. Nama2 hantu yang kana bagi atu, orang sablah timur ganya tu pandai2 membuat. Contoh hantu raya, hantu tinggi dan hantu p****g. Sori eh, bukan maksudku untuk capi2 tapi adakah nama antu jadi alat kelamin. Yang penting, kalau tani liat hantu, dorang atu bukan hantu tu, jin tu. Just in case y'all dont know, hantu yang selalu tani liat atu adalah jin kafir. iaitu jin yang kufur kepada Allah.

Sama jua halnya cam manusia kan, kalau dorang atu kufur and inda ikut apa yang Tuhan suruh, dorang atu hantu lah jua tu ganya kalau manusia nampak hantunya. Ada tia becium2 rah tangga, ada tia beromen dalam kreta, paling teruk lagi, ada yang main dalam jamban. Dorang ani mesti diberitau bah kadang2 pasal, ialah, dorang inda tau yang perbuatan dorang atu akan menyebabkan dorang menangis nanti sama menyasal.

Jadi, kedua2 jenis setan ani akan cuba macam2 cara untuk mengugurkan tani. Gugurkan cana kian? Ia ngasut tani untuk inda solat, inda posa, inda tutup aurat, pakai seluar ketat sampai spendet pun nampak. Im sure y'all know what im talking about. Inda kan inda tau? kalau inda tau, agatah tipun 113 lapas atu takan 1 then takan 1 lagi then takan lagi 1, lapas atu tanya operator, brapa numbur pusat dakwah islamiah and sambungkan arah bahagian hukum hakam, kalau salah, sambungkan saja arah ustaz ja.

Tapikan, ada satu yang sikit lagi ku lupa mention, setan ani ada ketua. Sama jua dalam kelas, dalam jabatan, dalam negeri dan dalam satu famili atu, musti ada ketua. Ketua anilah yang membagi instruction ni, ia ani kita petualangnya lah. Suddenly aku teingat cheghita GENTAYANGAN tv indosiar kah? Cali jua ceta atu macam dorang rakam hantu (jin) live bah tapi brijap plang, adakah inda masih ah?

Jadi ketua untuk jin kafir ani iblis. Kalau ku kan ckp pasal iblis ani, grenti scroller ani mikin menipis ni pasal ilmu ku pasal iblis ani dalam bah nyanta..eheh, nadalah eksen ku. tapi aku tau sikit sikit saja pasal iblis. Aku tau ia ani musuh tani sampai tani mati and ia ani musuh tani jua kalau tani kana masukkan dalam neraka, naudzubillah (mudahan dijauhkan Allah). kotauapa? iblis ani dulu orang yang paling alim bah banarnya, ia ani alim banar sampai tarafnya atu kana angkat sampai tahap malaikat. Grenti tekajut lagi ni, iatah bek kamu baca buku

So iblis ani beribadat kepada Allah dengan penuh semangat and ia ikut saja perintah Allah atu until UP TO ONE POINT. Sudah Allah menciptakan nabi Adam, manusia yang pertama, start atulah iblis ingkat. Masa atu Allah suruh semua yang ada atu sujud rah nabi Adam, semua sujud kecuali iblis, ia ani cakap lebih kurang cani:

Allah: Apakah yang menyebabkan kau inda mau sujud arah Adam?

Iblis: kenapa plang ku kan sujud rah manusia yang Kau buat daripada tanah yang karing yang berasal dari lumpur hitam? Aku Kau ciptakan daripada api sama aku lama jua sudah beribadat arahMu and ia satu amalan pun nada. Indakan ia ani pulang Kau muliakan daripada aku?

Allah: Turun ko dari syurga! Pasal ko ani makhluk terkutuk! Ku kutuk ko sampai hari kiamat!! Siapa yang ikut kau, ku masukkan ia dalam neraka jahannam

Iblis: Wahai Tuhanku..kalau catu bagi ku tangguh dulu sampai hari manusia dibangkitkan. Aku banar2 akan akan menyesatkan keturunannya, kecuali sebahagian kecil

Allah: Kalau catu ko termasuk urang2 yang Ku bari tangguh sampai waktu yang ditentukan

Iblis: Demi kekuasaan Mu, aku akan menyesatkan dorang semua kecuali hamba-hambaMu mukhlis (orang yang hati2 kerana takut kan azab Allah). Sama oleh sebab Kau sudah menghukum aku sasat, aku banar2 kan menstop manusia dari jalanMu yang lurus, aku kan datang arah mereka dari muka dan belakang mereka dari kanan dan kiri mereka.Dan Kau liat saja nanti, bnyk dorang ani inda ta’at arahmu. Aku akan pastikan dorang ani memandang baik (perbuatan ma’siat) di muka bumi sama aku akan pastikan mereka ani semua sasat!

Allah: Sesungguhnya, hamba2 ku, ko inda ada kuasa atas mereka, biar aku yang menjaga dorang kecuali arah urang2 yang ikut jalanmu (orang2 sesat)

Allah: Ini adalah jalan yang lurus, kewajiban Aku lah (menjaga) dorang ani

Allah: Dan sesungguhnya, Jahannam atu banar2 tempat ancaman bagi orang yang mengikut kau!

Interesting kan cemana sejarah manusia atu terjadi. Disebabkan atulah ketani inda buleh pecaya tu Darwinism. Siapa inda tau Darwinism angkat tangan? In short, Darwinism ani theory barat yang menyeleweng lah. Dorang cakap tani ani datang dari ambuk lah and there is no such thing as God. They were saying our ancestors and great ancestors evolved dari binatang. Talur lah and I heard some university masih lagi gunakan theory ani. Kalau kamu banar2 pecaya yang kamu atu dari ambuk, then baik tah kamu beristighfar pasal atu buleh menyebabkan kamu syirik, keluar daripada islam. Teruk lah seksanya..tunggu saja

Anyway, si Darwin ani banarnya salah satu anggota freemason bah, gerakan dunia yang cuba untuk mewipe off kepercayaan kepada tuhan ani. Dorang ani inda suka rah religion tapi kalau kan ku becakap pasal freemason ani, mati kali kamu membaca pasal panjang bah and bnyk banarnya dorang punya gerakan ani di mana-mana sampai dimalaysia sendiri ada sudah cawagannya..hancus hancus..

So, lets look back at the conversation tadi atu. Tani perhatikan cemana iblis atu besumpah sudah arah Allah yang ia bertekad kuat untuk menyesatkan tani semua and ia akan pastikan tani ani semuanya sasat. Yang menarik hatiku ialah, iblis sendiri mengakui Tuhan atu ada bah and ia sendiri pernah menjadi saksi adanya nikmat syurga atu tapi ia ani ganya inda fikir panjang..tarus melumpat saja..etah ia lamas atu.

Ia ani masalahnnya sombong sama dangki bah, adakah questionnya apa yang Allah aturkan. Macam interesting pasal api, cuba kamu ambil lighter atupun a stick of match and light it up, u will notice api atu senitasa naik tu walaupun tani cuba untuk menundukkan..cuba dulu baru paham maksudku. Kalau tanah lain, tani ani banarnya naturally humble bah tapi disebabkan hasutan2 jin dan manusia atu, karas tia. Macam kalau kana tagur sikit tani marah.

Berbalik kepada suboh tadi ah, so salah satu cara iblis suruh anak buahnya ngacau tani masa waktu suboh atu ialah setan mengikat tani manusia dengan tiga TALI. Inda plang tani nmpk banar tapi ani base on hadis yang ku baca. Tali yang pertama atu terurai kalau tani menyebut nama Alah. Tali yang kedua akan kalau ia ambil wudhu. Tali yang ketiga tebuka kalau ia sembayang. Hadis ani datang dari diriwayatkan oleh Abu Hurairah dan Imam Muslim and kana kategorikan sahih.

Interestingkan? Dah ngangku. Perlu diingat jua, tani mesti pastikan tani cuci hidung lepas bangun tidur pasal setan tidur dlm lubang hidung tani, ani pun dari hadis yang ku baca. Tapi kalau siapa yang inda tebangun langsung atu, problem tu pasal kalau kotauapa, setan sudah bekamih arah telinga tani tu sampai bunyi azan pun inda kedengaran..brijap ah.

Tapi ingat gang2 ku yang inda ku kenali, pintu Allah sentiasa terbuka bagi orang yang mau bertaubat tapi pastikan taubat tani atu banar2 lahir dalam hati tani bukannya pasal orang lain. Contoh, musim raya kan, tani ani kalau meliat jiran tani bali kerusi baru, membali tani jua, kalau tani meliat dorang ada keta baru, membali tani jua..paham ah. Kenapa ketani inda dapat dangki meliat kalau urang atu ke masjid, ke masjid tani jual, kan lebih baik cematu.

Tani mau taubat nasuha bukannya taubat sambal belacan. Sambal belacan ani nyaman tapi kalau diaplikasikan arah taubat lain jadinya. Apalagi sambal belancan ditempat yang inda kan ku getau kamu sal karang, mempromote tempat atu tia..hehe. Let's leave it there we shall. Kalau tani mkn sambal kan, tani selalunya ckp isshhh padas padas, lapas atu ambil lagi..then sabut padas eh tapi ambil lagi sampai habis bah sambal ah. Jadi, kalau tani banar2 kepadasan sambal atu, branti lah, jangan dimakan lagi. Inda ja?

Yang penting tani mesti berubah atu ikhlas, bukan pasal siapa2, bukan pasal2 laki yang tani suka. Sudahtah alim macho sama hensem lagi. Siapa inda mau. Atauapun bini2 yang bukan saja lawa, menjaga sembayangnya lagi. Tani mau berubah kerana Allah saja. Noktah. Kotauapa? Pikirkan tia and olahkan tia nasibmu cemana ko mau, yang penting aku getau apa yang ku tau and its up to you to read. Baca jangan inda baca ahh..

Wassalam :)