Dengan nama Allah yang Maha Pemurah lagi Maha Penyayang. Aku bersaksi bahawa tiada Tuhan selain Allah dan nabi Muhammad itu rasul-Nya. Aku harap kamu semua sehat wal 'afiat bersama keluarga yang tersayang dan masih lagi memikirkan cara cemana kan ku memperbaiki diri ku dari masa ke semasa.
Semua urang tau apa penyakit dan semua urang pernah menghidapi penyakit baik yang berjangkit ataupun inda. Ada yang sakitnya brabiss dan ada jua yang sakitnya sekubit macam kana gigit samut. Ada yang sakitnya berpanjangan dan ada jua sakitnya sesaat saja. Macam...mana tiaa?
Kalau tani liat, penyakit atu berpunca daripada sesuatu yang tane talan ataupun yang tane buat. Contoh sesuatu yang tane talan ialah macam nasi, mee goreng, ayam kentaki, daging dan buah2an dan bijiran gandum yang memang mengilat jari.
Berlainan penyakit yang disebabkan uleh apa yang tane buat macam biasa begaru terutama sekali kalau urang kana gigit nyamuk, ataupun kalau mengaru mata (erk) sampai terkeluar darah. Apa lagi..? Kalau mereka yang suka memacah jerawat, yang barangkali inda tau consequencenya dalam masa 10 tahun. Liat lah apa akan jadi.
Tapi masani, aku bukan kan cakap pasal penyakit yang disebabkan uleh perbuatan luar tapi aku kan cuba memberikan sedikit gambaran pasal apa yang tane masukkan dalam mulut tane sehari-hari sampai kan mengunyah 40 kali pun inda sampai, tarus masuk diganti dengan intake yang kedua dan seterusnya.
Karang ani, banyak udah jenis makanan yang ada dikadai, dipasar dan disupermarketo. Ada yang fresh, ada yang buntu, ada yang bebau (tapi nyaman macam belacan), ada yang murah dan ada yang mahal, kurang sepusin pun urang atu sanggup jauh2 mendrive, ganya pasal murah sepusen, nda ya tau kali kos minyak keta lebih tinggi.
Tapi banar, harga memainkan peranan yang penting kalau tane membali sesuatu. Nada urang kan membali barang2 dapur yang mahal, not unless urang atu uwang kaya atu len ceta. Tapi di dunia ani, menurut statistik ku yang nada sandaran, purata urang yang sederhana (qana'ah?) lebih banyak daripada urang kaya. (kalau inda banyak tia urang kai ferrari, inda jaaa??)
Then again, definasi sederana, miskin dan kaya atu buleh di liat daripada banyak segi. Tapi malas tah ku kan sibuk2 memikirkan siapa kaya dan siapa inda. Pokoknya, aku kan cuba memberitau bis tuan2 dan puan2 yang, most of us bekira kalau kan membali sesuatu barang.
Kalau diluar negara yang minyak dorang inda kana "subsidize", mesti pengguna (consumer) atu mencari tempat yang paling murah, pasal harga minyak di luar negara mahal yo. Sipun di malaysia, sal atu banyak urang dari miri membali minyak di sini. wawa
Atu pasal minyak tapi yang lebih penting lagi pasal makanan. Menurut statistikku yang inda rasmi, tiap minggu, urang brunai ke miri, pasal apa? Pasal sana muah kali ahh. ka ap c murah, gula murah, minyak murah dan men bowling pun murah.
Di antara penyebab sesebuah institusi menjadi aktif ialah banyaknya lawan (competitor) dalam bidang berkenaan. Kamu imagine saja, kalau ada urang jual nasi katok 95 sen (SEMBILAN PULOH LIMA SEN sahaja), membali kah inda urang tu, bukan saja ia banyak nasi, sambalnya pun nyaamaaaaannn! eeeeiii
Tapi mana ada pasal para penjual nasi katok atu, etah marketo price tu. Ok, sebelum ku lari dari topik, bek ku balik semua cakap pasal penyakit yang memang urang banci, well some, tapi ada jua suka kana penyakit, dapat mc, yeaaaayy! Tapi inda jua kurang mereka yang merungut kalau dapat penyakit atu kan.
Tane now tau harga memainkan peranan. Tapi adakah atu bermaksud kualiti inda kana liat? Ya, bahkan ada urang yang asal murah, bali bali dan BALI LAGI. Inda tah ia tau panya expayat udah ataupun nda baik dalamnya. Tapi ada jua pengguna yang kalau dapat PALING MURAH sama KUALITI TINGGI. Kira bargain lah tapi jarang plang ada. Kalau ada aku pun mauuu
Jadi, selain harga, kualiti pun penting. Selalunya barang yang mahal ada kualiti, tapi kalau makanan, pebaik ya murah, kanyang jua parut tane. Macam pop mie, megi, 3 in 1 drinks, apa2 saja yang laju tapi murah buleh mengenyangkan parut yang kosong.
Ohh, sangat menarik hatiku. Kalau tane lapar, semua terasa nyaman, kalau sesuatu makanan terlalu banyak, terasa loya kan makan lagi, kalau makanan sikit, semua urang beperabut, kalau makanan bejurit, biar samut yang memanyap.
Barang makanan yang disebutkan di atas tadi adalah yang berbentuk LAJU, ataupun expresso. Kalau dapat makanan atu siap makan. Sama jua kalau keta ataupun seluar, tane mau tarus pakai, bukannya kan menunggu lagi kan ship-in bebulan-bulan, hilang tia udah keiskian itu. Inda ja?
Pasal atu makanan instant atu laku, pasal ia laju dan nyaman. Jadi, warga korporat pembuat hasil makanan instant pun memikirkan cara yang laju untuk membuat usin dalam tin. Ada buat sosej, ada buat megi siap dalam seminit, tau masuk oven saja. Ada buat instant piza, buat instant cup, instant drinks, instant bermacam-macam makanan, liat saja di kadai, almost semua ada.
Yang nada apa nah? Kerbau! haha. I mean, malas tah urang ingau kan memarah susu kambeng ataupun susu krabau, no time loh! Urang cakap nada masa pasal banar, tane sibuk dengan aktivitas masing2 sampai kan memasak pun terpaksa bali kadai saja. Lebih laju, dapat tidur awal, yeay!!
Sayur, susu manis, roti paun, ayam pangang, popcorn, kerepek pisang, roti bom, dan sebagainya, semuanya makanan2 yang instant. Lain lagi yang dalam tin, yang salah satu penyebab kenapa manusia karang ani menghadapi bermacam-macam adengan menarik.
Kalau kamu perhati, makanan seperti coklat, megi, gula2 dan semua saja makanan yang ada kod2 atu adalah makanan2 yang berproses. Sama jua dengan makanan2 yang "panas" tapi most of us inda prasan yang makanan ani dibagi pengawet ataupun preservatives agar makanan atu tahan lama, baik dalam tin, dalam plastik ataupun dalam kontener.
Pernah kamu dangar kan, pasal ceta this girl makan megi dari damit dan ahirnya ia menghidap cancer arah kawasan anunya. Ada jua urang yang biasa makan ayam laju, ahirnya, ia menghidap sakit jantung, ada jua ceta sal urang minum minuman laju, yang ahirnya, menghidap kencing manis.
Perlu tani ingat yang apa saja makanan yang berproses selalunya buleh mendatangkan long-term effects, yakni, within these few years, inda plang obvious penyakit atu tapi kalau dalam masa 10 years, nampak tu penyakit ah. And most of these diseases are irrecoverable ataupun susah kan diusai.
Ahirnya, urang yang menghidap penyakit tane ani terpaksa makan ubat, makan supplement, makan jamu, makan gamat, makan tongkat ali, rabus itu rabus ini, sampai tah mati...kesian kan. Disebabkan apa yang dimakannya dulu, ia merana sampai mati. Prevention really is better than cure my compadre.
Jadi cemana, inda tah ku makan lagi ni makanan yang beproses ah. bulihhh! Macamtah aku ani ada masa kan masak, kan menanam sayur, kan menternak ayam dan kerbau, kan menunggu ayam betalur????! Marah ku ehhh! gahhhh!
Eh, pemarah jua kau ani wang eh. Sabar dulu, setiap problem grenti ada solution, must find ways. Buleh atu tantu lah buleh, ganya, kau imagine saja kalau tane makan sambal belacan yang padas brabis hari HARI, apa kan jadi? Ahirnya jadi gastrik, udah gastrik, nada kan diproses dalam parut, jadi sesuatu yang mudahan Allah jauh kan.
Maksudnya, tane punya intake for sesuatu makanan itu sadang2 aja dong si. Bukannya dijadikan amalan ataupun ibadat. Kalau qiyam dijadikan amalan, ahhh atu aku sokong tapi kalau makan megi pagi patang malam jadi adat ataupun amalan, aku doakan keselamatan arah ku dan arahmu saja. huhu.
Ahirnya, au banar plang megi atu murah satu paket, tapi kalau dijadikan makanan asasi dalam tempoh 5 tahun, we'd suffer a lifetime. Jadi, aku harap ada tah karang urang kan mau bedagang susu lembu yang fresh ni ah, sama menghantar ke rumah-rumah dengan mengenakan caj yang munasabah.
Aku hanyalah memberi peringatan kepada diriku dan dirimu di sana..
Love
Tapau
Semua urang tau apa penyakit dan semua urang pernah menghidapi penyakit baik yang berjangkit ataupun inda. Ada yang sakitnya brabiss dan ada jua yang sakitnya sekubit macam kana gigit samut. Ada yang sakitnya berpanjangan dan ada jua sakitnya sesaat saja. Macam...mana tiaa?
Kalau tani liat, penyakit atu berpunca daripada sesuatu yang tane talan ataupun yang tane buat. Contoh sesuatu yang tane talan ialah macam nasi, mee goreng, ayam kentaki, daging dan buah2an dan bijiran gandum yang memang mengilat jari.
Berlainan penyakit yang disebabkan uleh apa yang tane buat macam biasa begaru terutama sekali kalau urang kana gigit nyamuk, ataupun kalau mengaru mata (erk) sampai terkeluar darah. Apa lagi..? Kalau mereka yang suka memacah jerawat, yang barangkali inda tau consequencenya dalam masa 10 tahun. Liat lah apa akan jadi.
Tapi masani, aku bukan kan cakap pasal penyakit yang disebabkan uleh perbuatan luar tapi aku kan cuba memberikan sedikit gambaran pasal apa yang tane masukkan dalam mulut tane sehari-hari sampai kan mengunyah 40 kali pun inda sampai, tarus masuk diganti dengan intake yang kedua dan seterusnya.
Karang ani, banyak udah jenis makanan yang ada dikadai, dipasar dan disupermarketo. Ada yang fresh, ada yang buntu, ada yang bebau (tapi nyaman macam belacan), ada yang murah dan ada yang mahal, kurang sepusin pun urang atu sanggup jauh2 mendrive, ganya pasal murah sepusen, nda ya tau kali kos minyak keta lebih tinggi.
Tapi banar, harga memainkan peranan yang penting kalau tane membali sesuatu. Nada urang kan membali barang2 dapur yang mahal, not unless urang atu uwang kaya atu len ceta. Tapi di dunia ani, menurut statistik ku yang nada sandaran, purata urang yang sederhana (qana'ah?) lebih banyak daripada urang kaya. (kalau inda banyak tia urang kai ferrari, inda jaaa??)
Then again, definasi sederana, miskin dan kaya atu buleh di liat daripada banyak segi. Tapi malas tah ku kan sibuk2 memikirkan siapa kaya dan siapa inda. Pokoknya, aku kan cuba memberitau bis tuan2 dan puan2 yang, most of us bekira kalau kan membali sesuatu barang.
Kalau diluar negara yang minyak dorang inda kana "subsidize", mesti pengguna (consumer) atu mencari tempat yang paling murah, pasal harga minyak di luar negara mahal yo. Sipun di malaysia, sal atu banyak urang dari miri membali minyak di sini. wawa
Atu pasal minyak tapi yang lebih penting lagi pasal makanan. Menurut statistikku yang inda rasmi, tiap minggu, urang brunai ke miri, pasal apa? Pasal sana muah kali ahh. ka ap c murah, gula murah, minyak murah dan men bowling pun murah.
Di antara penyebab sesebuah institusi menjadi aktif ialah banyaknya lawan (competitor) dalam bidang berkenaan. Kamu imagine saja, kalau ada urang jual nasi katok 95 sen (SEMBILAN PULOH LIMA SEN sahaja), membali kah inda urang tu, bukan saja ia banyak nasi, sambalnya pun nyaamaaaaannn! eeeeiii
Tapi mana ada pasal para penjual nasi katok atu, etah marketo price tu. Ok, sebelum ku lari dari topik, bek ku balik semua cakap pasal penyakit yang memang urang banci, well some, tapi ada jua suka kana penyakit, dapat mc, yeaaaayy! Tapi inda jua kurang mereka yang merungut kalau dapat penyakit atu kan.
Tane now tau harga memainkan peranan. Tapi adakah atu bermaksud kualiti inda kana liat? Ya, bahkan ada urang yang asal murah, bali bali dan BALI LAGI. Inda tah ia tau panya expayat udah ataupun nda baik dalamnya. Tapi ada jua pengguna yang kalau dapat PALING MURAH sama KUALITI TINGGI. Kira bargain lah tapi jarang plang ada. Kalau ada aku pun mauuu
Jadi, selain harga, kualiti pun penting. Selalunya barang yang mahal ada kualiti, tapi kalau makanan, pebaik ya murah, kanyang jua parut tane. Macam pop mie, megi, 3 in 1 drinks, apa2 saja yang laju tapi murah buleh mengenyangkan parut yang kosong.
Ohh, sangat menarik hatiku. Kalau tane lapar, semua terasa nyaman, kalau sesuatu makanan terlalu banyak, terasa loya kan makan lagi, kalau makanan sikit, semua urang beperabut, kalau makanan bejurit, biar samut yang memanyap.
Barang makanan yang disebutkan di atas tadi adalah yang berbentuk LAJU, ataupun expresso. Kalau dapat makanan atu siap makan. Sama jua kalau keta ataupun seluar, tane mau tarus pakai, bukannya kan menunggu lagi kan ship-in bebulan-bulan, hilang tia udah keiskian itu. Inda ja?
Pasal atu makanan instant atu laku, pasal ia laju dan nyaman. Jadi, warga korporat pembuat hasil makanan instant pun memikirkan cara yang laju untuk membuat usin dalam tin. Ada buat sosej, ada buat megi siap dalam seminit, tau masuk oven saja. Ada buat instant piza, buat instant cup, instant drinks, instant bermacam-macam makanan, liat saja di kadai, almost semua ada.
Yang nada apa nah? Kerbau! haha. I mean, malas tah urang ingau kan memarah susu kambeng ataupun susu krabau, no time loh! Urang cakap nada masa pasal banar, tane sibuk dengan aktivitas masing2 sampai kan memasak pun terpaksa bali kadai saja. Lebih laju, dapat tidur awal, yeay!!
Sayur, susu manis, roti paun, ayam pangang, popcorn, kerepek pisang, roti bom, dan sebagainya, semuanya makanan2 yang instant. Lain lagi yang dalam tin, yang salah satu penyebab kenapa manusia karang ani menghadapi bermacam-macam adengan menarik.
Kalau kamu perhati, makanan seperti coklat, megi, gula2 dan semua saja makanan yang ada kod2 atu adalah makanan2 yang berproses. Sama jua dengan makanan2 yang "panas" tapi most of us inda prasan yang makanan ani dibagi pengawet ataupun preservatives agar makanan atu tahan lama, baik dalam tin, dalam plastik ataupun dalam kontener.
Pernah kamu dangar kan, pasal ceta this girl makan megi dari damit dan ahirnya ia menghidap cancer arah kawasan anunya. Ada jua urang yang biasa makan ayam laju, ahirnya, ia menghidap sakit jantung, ada jua ceta sal urang minum minuman laju, yang ahirnya, menghidap kencing manis.
Perlu tani ingat yang apa saja makanan yang berproses selalunya buleh mendatangkan long-term effects, yakni, within these few years, inda plang obvious penyakit atu tapi kalau dalam masa 10 years, nampak tu penyakit ah. And most of these diseases are irrecoverable ataupun susah kan diusai.
Ahirnya, urang yang menghidap penyakit tane ani terpaksa makan ubat, makan supplement, makan jamu, makan gamat, makan tongkat ali, rabus itu rabus ini, sampai tah mati...kesian kan. Disebabkan apa yang dimakannya dulu, ia merana sampai mati. Prevention really is better than cure my compadre.
Jadi cemana, inda tah ku makan lagi ni makanan yang beproses ah. bulihhh! Macamtah aku ani ada masa kan masak, kan menanam sayur, kan menternak ayam dan kerbau, kan menunggu ayam betalur????! Marah ku ehhh! gahhhh!
Eh, pemarah jua kau ani wang eh. Sabar dulu, setiap problem grenti ada solution, must find ways. Buleh atu tantu lah buleh, ganya, kau imagine saja kalau tane makan sambal belacan yang padas brabis hari HARI, apa kan jadi? Ahirnya jadi gastrik, udah gastrik, nada kan diproses dalam parut, jadi sesuatu yang mudahan Allah jauh kan.
Maksudnya, tane punya intake for sesuatu makanan itu sadang2 aja dong si. Bukannya dijadikan amalan ataupun ibadat. Kalau qiyam dijadikan amalan, ahhh atu aku sokong tapi kalau makan megi pagi patang malam jadi adat ataupun amalan, aku doakan keselamatan arah ku dan arahmu saja. huhu.
Ahirnya, au banar plang megi atu murah satu paket, tapi kalau dijadikan makanan asasi dalam tempoh 5 tahun, we'd suffer a lifetime. Jadi, aku harap ada tah karang urang kan mau bedagang susu lembu yang fresh ni ah, sama menghantar ke rumah-rumah dengan mengenakan caj yang munasabah.
Aku hanyalah memberi peringatan kepada diriku dan dirimu di sana..
Love
Tapau
Tiada ulasan:
Catat Ulasan