Tani ucapkan puji sama syukur kepada yang mempunyai kerajaan langit sama bumi. Tani cuba brabisss untuk inda melawan ia sama tani akui ia yakni Allah adalah Tuhan tani, Tuhan nenek moyang tani and urang2 dulu. Tani mengakun yang nabi muhammad atu bukanlah seorang malaikat tapi manusia biasa yang diutuskan oleh Allah untuk meninggikan kalimah Allah di muka bumi ani.Bumi ani dulu adalah satu tempat yang tenang tapi lapas manusia atu mikin ramai, perpaduan atu hilang, lenyap dikaburi dengan harta dan kekayaan. Masalahnya ialah urang kaya yang sombong. Rasaku ani bahaya coz it will create some sort of friction dalam society atu. Walaupun aku inda pernah ada peluang belajar pasal sociology tapi at least aku dapat belajar sikit2 dari buku sal rasaku kawanku langsung nada yang ada blajar socio ani...kwang2
Beckp pasal hubungan tani dengan masyarakat ani mengingatkan aku betapa pentingnya peranan ketua. Kalau sekiranya ketua atu barat sebalah, grenti ada yang akan mogok and tunjuk perasaan, sama cam yang tani liat rah indonesia malasie dan negeri2 bersekutu. To maintain order dalam satu nation atu banarnya payah tapi DAPAT dilakukan. Inda payah tani keluarkan bnyk duit and panggil so-called-expert ke dalam negeri, tani didik saja setiap penduduk negeri ani dengan ilmu yang berguna.
Menyampaikan ilmu yang beguna ani sanang ganya to practice it is often hard. Pasal apa banar ah urang yang ilmu ugamanya tinggi masih jua buat hal di sekolah masing2. Ada tia suruh anak muridnya buat itu, ada jua buat ini and ada jua yang membagi contoh yang inda baik rah anak muridnya. Contoh? Contohnya macam kalau sekiranya seorang cikgu ugama yang mengajar pasal ADAB tapi cikgu ani sendiri biadab arah principal dan lagi, nmpk tia anak muridnya cikgunya ani kai seluar pindik ataupun kai tunduk beikat jambu dluar sekolah. Tapi dalam sekolah bukan main, mengalahkan imam masjid yang retired udah.
Jadinya, cobaan yang dikenakan arah orang yang berilmu ani payah yo. Silap hari bulan, kan kritik uleh blogku.. ha ha. tapi inda plang kan ku ucapkan kamu atu, ganya sepatutnyalah, kamu atu sudah dibagi peluang uleh kerajaan untuk menimba ilmu and dibagi amanah untuk menjalankan tugas atu dengan sebaik mungkin TAPI kaja kamu mengusut and so on. Aku inda salahkah siapa2 plang, aku salahkan aku sendiri pasal brgkali aku alum ada kesempatan untuk berkenalan dengan kamu. Besar kemungkinan, once aku kenal kamu, aku dapat mengubah cara hidup kamu..iyo ke?
Aku pun inda tau banarnya. Tapi banarnya, bukan saja aku memainkan peranan untuk meluruskan akhlak dan perbuatan manusia yang kadang2 lari sikit daripada ajaran agama islam atu, in fact, semua yang membaca ani ada peranan masing2 and peranan tani ialah untuk menolong kawan2 tani, keluarga tani, urng inda tau erti hidup yang sebenarnya. We are not to judge any of them walaupun ia urang islam. Kotauapa? Satu hari yang indah nanti, tani semua kana tanya uleh Allah, "Sudah ko kenalkan aku arah urang yang inda kenal aku?" bukannya "Sudah ko hukum urang atu munafik ataupun kafir?".
Dalam sikit bahasa ani ganya ku rasa perlu lah sal tani ani, termasuklah diriku yang kekurangannya keterlaluan, selalu saja mengucapkan urang, pebaik kawan tani sendiri tapi udah dapan2 lain tia. Etah bahaya ni yo mengucapkan urang ani esp. urang islam. Kadang2 tani ani meliat dengan mata tani sendiri urang ani minum dapan tani ataupun becium atau berpeluk-pelukan di khalayak ramai and tarus tah tani cakap "munafik jua eh.."
Tani mesti ingat, tani bukan hakim tapi tani hanyalah manusia jua macam dorang tapi tugas tani atu menyampaikan apa yang perlu. Atutah kraja nabi tu kalau kamu kan tau, walaupun diliatnya sekelilingnya ani hancur, sana sini urang bejudi, minum arak, buka sana buka sini, tapi ia masih able to maintain cool dengan urang2 sekelilingnya. Kalau tani liat, keadaan sekarang ani pun lebih kurang sama macam dulu. Bnyk jua urang berzina, bnyk jua urang menyembah selain Allah and bnyk jua urang inda buat apa kana suruh oleh Allah tapi indakan tani biarkan saja semua ani jalan smooth...kah?
For all I know, aku ani manusia yang cuba sedaya upayaku untuk membetulkan apa yang songsang, yang lari daripada ajaran rasulullah dan yang lari daripada syari'at islam. Tapi aku ingatkan diriku, aku indakan menunding jari arah siapa2 yang pernah mengucapkan dua kalimah syahadah tapi aku kan belai dorang ani sehinggalah dorang menjadi manusia yang hebat, bukan untuk sombong, tapi untuk menjadikan dorang ani imam sudah ku tua nanti. Aku suka kalau imam atu mantap dari semua aspek. Bukan saja ia ada sifat zuhud, tawadu' dan qana'ah tapi bininya, anak2nya pun catu, atu ku respect habis tu eh. kalau bleh tah ku beguru dengan ia..wuhuu..ganyakan, ku rasa nada urang cani ani lagi..ish ish.
anyway, ku tinggalkan kamu dengan satu pertanyaan.."adakah kamu akan kajam mata kamu while kejahiliyahan atu berlaku di dapan mata kamu sehingga menyebabkan kamu sendiri temasak dalam periuk yang panas? Semua tani serah pada Allah tapi doa yang lupa, apalagi usaha.
wallahu'alam
Tiada ulasan:
Catat Ulasan