Hidayah

Segala puji hanya bagi Allah, kepadaNya tani meminta bantuan dan pertolongan. Sapa2 yang dibagi Allah petunjuk, nada sorang pun yang akan dapat membuat ia menyimpang ataupun sasat dan sesiapa yang disasatkan ataupun inda kana bagi hidayah, ustat yang mantap, profesor ataupun ulama sendiri inda dpt meluruskan jalan-Nya. Aku bersaksi bahawa tiada Tuhan yang berhak disembah melainkan Allah dan nabi Muhammad adalah hamba dan pesuruh-Nya.

Semoga tuan2 dan puan2 sehat wal 'afiat bersama keluarga yang tersayang. Islam mengajar tani untuk berbuat baik arah urang tua tani pasalnya respecting them is salah satu perintah Allah dan juga sunnah yang dibuat uleh nabi kesayangan tane. Au, pebaiknya khinzir, wajib! jua tani layan dorang. Ingat seorang lelaki dizaman nabi yang ia melayan parentsnya yang kana sumpah jadi babi?

Anyway guys, its late and we're all exhausted from the things we've endured during the day. Cari makan, makan dan buang makanan. Is that what life is? Mengasak saja? Cari tempat restoran nyaman? Makanan jepang, makanan indon, masak lakso, masak indomi mata krabau, when every single thing that we consumed is merely a production of faeces yakni najis. Weirdkan? How we put so much energy and effort to think about which restaurant to go to?? Its sad just like me.

Yada yada yada, no one's perfect and we weren't born angels. Kalau inda tetamu nabi luth atu ngapnya tia udah hidangan yang kana bagi atu tapi inda dorang makan, dorang liat saja. Coz angles witnessed Allah with their own vision, so mau inda mau mesti dorang ikut cakap or rather PERINTAH ALLAH!

Interesting arabic language. In english, kalau plural atu bagi bahasa dorang more than one, plural tah udah tu tapi kalau arabic, plural can either be DUAL or PLURAL yakni more than two. And bukan saja atu yaws! Like, dual and plural or single atu buleh lagi specifically directed to either jantina lelaki ataupun masculine or perempuan yakni feminine. Macam waaaaaaa!

Anyhow, I thought I share the common things yang kamu pun prasan jua. You know what I am? Im like you yea YOU, not that person behind you just YOU. Like, we think 'bout stuff ALL the time but some of us just don't like writing or maybe talking for many reasons. Being content. Playing safe. Macam Abu Bakr As Siddiq, tau kamu ia masukkan BATU dalam mulutnya!!? Macam kata tanya uleh sahabat lain napa ia buat catu, katanya pasal menjaga lidah so that ia fikir dulu samaada ada manfa'at kah inda kalau ia cakap sesuatu atu..ouch!

Tekana brabiss kueh. Mudahan apa yang ku taip disini ani bermanfa'at pasal kalau inda, aku harap Allah SENTIASA mengampuni dosa2 dan maksiat2 yang ku accumulate sampai ku mati. Menyebut tentang mati, satu hari nabi pegi arah urang dalam keadaan sakaraatul maut. Sekalinya, teruk lah keadaan urang ani. Sekali nabi tanya, "Kenapa keadaanmu teruk ani?" Kata urang atu, "nya aku doa arah Allah agar Allah balas SEMUA maksiat yang pernah ku buat di dunia agar di akhirat nanti, aku inda kana hisab..." Sekali nabi tagur katanya, "Kenapa kau minta atu, yang sepatutnya kau minta ialah ALLAH AMPUNI DOSAMU".

Rasanya aku pun pernah minta apa yang urang atu minta tapi udah ku tau ani, tersentak hatiku pasal banar jua tu. Daripada Allah BALAS dosa2 tani, bek tah minta ampun saja. Kan Allah Maha Pengampun. Etah tahap nafsu urang yang macam tani ani, masih lagi terombang ambing yakni hari2 belawan dengan nafsu "lawwaamah". Tetapkanlah diri kami dalam bertakwa kepadaMu ya Allah.

Ok pasal hidayah, ingat dalam sirah cemana nabi pujuk bapa sedaranya, Abu Talib supaya ia mengucap. At the same time Abu Lahab pun berada disisinya macam merunding jua agar ia mati dalam mempercayai apa yang dianut uleh bapanya yakni, Abdul Muttalib, nini nabi. Tapi ahirnya, uncle nabi mati dalam keadaan urang2 yang menyembah berhala. Allah tagur jua nabi, kata Allah, "inda layak ataupun inda bisai kalau seorang nabi mendoakan orang2 yang berlaku syirik kepada Allah walaupun orang rapat dengan ia.."

Apa yang dapat tani pelajari? Macam macammm. For one, hidayah Allah yang bagi, like no doubt, brapa artikel pun ku buat, brapa ustat pun tani dangar bekhutbah, beribu orang pun menyeru arah tani untuk mempratikkan islam dengan sepenuhnya, inda jua kan berubah tu kalau bukan Allah kehendaki. Remember guys, its not what WE want but its what ALLAH wants! Periodically design to last! Huwal Awwalu wal akhir!

Jadi cemana? Biarkan tia kawan2 anyut, sedara2 tani buat perkara2 yang balum tau asal pangkalnya? Tambah sikit lah bos, ehhhh, kurangkan eh, nahhh tumpah! Etah kau tu nah! Kenapa kenapa kenapa. Weird kan, manusia termasuk aku mereka-reka sesuatu tapi yang memamg ampai2 daripada amalan nabi, INDA tebuat. Jantah jauh, buat baik arah babu kamu saja, laki2nyaaaa.

Do we really think our mother must respect tani kalau tani ani jadi macam urang basar sampai babunya pulang cium tangan ANAK KANDUNGnya. Kalau ada banar habis tu eh..inda batah tuu. Why I raise this? Pasalnya, kadang2 tani rasa tani hebat udah sampai babu bapa tani, pendapat dorang tani ketepikan. Au banar plang mungkin there are things yang memang obviously, dorang ikut2 bapa2 atau babu2 dorang tapi mesti tani berhikmah jua.

Payah plang ah, kalau aku lebih baik diam dan bersuara bila perlu. Simple tapi effective. Kebanyakan manusia di negeri barat, sometimes they call their father by their names or by their mothers' name. Macam kalau difikirkan kurang diberi ajaran adab kan. Cubatah kamu panggil bapa atau babu tani dengan nama dorang, tani pun macam galak jua tu. Now, imagine one day, anak kamu panggil kamu by nama kamu, apa rasanya? Nyaman? Ataupun pengalaman yang tidak dapat ku lupakan?

Gah! lari lagiiii. Ok ok balik kampong. Jadi hidayah yang diberikan kepada seseorang insan atu up to Allah. The reason aku kan share is because rasanya hidayah ani untuk urang yang suka berfikir pasalnya cuba kamu baca2 buku sahabat, buku2 para tabi'en, ulama2, imam2 besar. Dorang ani ada yang awal2 macam ok not the best muslim practioner tapi udah hidayah Allah atu datang/turun/masuk, ulah dorang ani jadi melatup. Like kaboooommm!

Bukan saja dorang ani banarnya pandai tapi dorang ani AWAL2 inda menggunakan kepintaran dorang atu untuk berfikir tentang kebesaran ilahi. Macam liat berapa ramai saintis ataupun cendekiawan2 bukan islam, dan urang2 yang mau belajar pasal islam atu ahirnya masuk islam.For me, kalau urang masuk islam itu, kambang bulu, bukan pasal sajuk ataupun teliat antu tapi pasal rawan ati kan meliat urang masuk islam atu ONLY to find out "ahhhh, cemani panya urang islam ni...cari scandal ku jua eh..yeah!"

Twisted! AAaa know! But these things happen EVERY WHEERE. You hear it all the time. A friend of a friend. A friend of a relative. My husband's friend. Ahirnya..awww my husband, he cheated on me!

Kalau diliat zaman nabi, like udah ku baca/dangar kisah2 urang2 yang awal masuk islam atu, amaze brabis ku, ada yang masuk islam atu hanya dengan mendagar satu ayat like ONE VERSE tapi ada jua yang mesti habis satu kitab, baru tah convince islam atu jalan yang lurus. Unforunately, karang ani, mana urang berapa pecaya pasal quran ani. I mean by the look of it, urang mau belajar TAJWEED sama hafalin quran saja tapi kalau kan MENDALAMI apatah lagi memakaikan quran atu jadi panduan hidup. Ada kana ucap sasat.

Which is understood. Pasalnya? Not everyone understand the purpose of life, everybody is searching for something, searching for cintan cintun, ajinomoto, dan indomilk. Mencari kepuasan dalam hidup. Everybody is looking for an identity.

There's this term called spiritually immature. Yakni, orang2 cemani macam kalau dorang sadih, they'll go shopping, they'll go eat chocolate, they'll go on vacation ataupun pergi ke red light district dan puaskan private partnya. Live life to the fullest? PUASkan bujang dulu! Really!?

Subahanallah, tani manusia hidup dengan ruh yang ada dalam badan tani and tani inda akan dapat happy, well, u can PRETEND to be happy in front of your friends and colleagues tapi we know deep inside hati tani kosong, kalau tani inda menghayati kalimah Allah dan banar menJIWAINYA..Blueee memanjang siapa suka? Pasal apa plang suka? Pasal hati me ani inda diisi dengan perkara2 yang menghidupkan jiwa, etah sababnya tuuu. Insha Allah kalau diberikan peluang oleh Allah, aku buat ani lah nanti k. Ayts!

In conclusion, kalau tani faham cemana sesuatu atu berlaku, tani akan lebih faham cemana kan mengapprocarch sesuatu. Like in order to drive a car, you'll need to know where the gas is, where to step on the gas dan what kind of gas that needs to be filled in that car. Kalau salah gas, silap hari bulan melatup karang. Semoga Allah menghindarikan perkara2 yang tani inda ingini daripada berlaku.

Soalan, am I wrong or am I right? or paning eh, whatever man!
Right - Hidayah bagi urang yang bepikir
Wrong - Urang inda bepikir

Semoga Allah mengampuni dosa tani semua..Ameen

Love
Tapau

Sttt ufff

Maha suci Tuhan yang mempunyai sifat2 agung yang inda ada suatu pun yang ada dapat menandingiNya pasal what we all owe is His. Tani diamanahkan saja untuk berlaku according to His laws and regulations.

Syukur alhamdulillah pasal dengan izin-Nya me buleh menulis lagi, bukan beromong kosong ataupun bercakap yang sia2 insha Allah tapi untuk mengajar dirimu dan diriku untuk lebih faham tentang tujuan hidup tani di dunia ani.

Orang yang menulis bukan semestinya yang terbaik daripada orang yang bercakap sama urang yang becakap inda semestinya orang yang terbaik dalam menyampaikan sesuatu. Pasal apa tu nah? Pasal NOBODY is perfect.

However you CAN TRY to be a perfectionist tapi tha'll just makes things awkward. Liat saja urang yahudi macam cMonk, cemana ia mau kalau dapat semua atu bersih, kan pigang cawan urang pun gali ya. Nabi saja yang maksum ani yo!

Etawah, have you guys ever reached a point when you finally decided to throw away all your stuff in the house. No? Yes? Who cares? Well, I do coz I think I've reached that point. Maybe im getting old and yeah everyone IS!

Imagine, dari damit sampai basar, kaja tani kumpul barang saja, baik secara langsung atau inda langsung. What? Ani pun ada dua cara kah? Au kali.

Cuba liat urang kawin saja, tiap kali datang kana bagi barang, kalau dalam keluarga ada 10 orang, 10 10 dapat. Kalau 30 orang kana bagi cawan, rumah tersebut akan dipenuhi dengan 30 cawan.

Ok, now imagine, dalam setahun mengikut calendar urang bukan islam ialah 52 minggu. Salnya urang kawin ani tiap minggu kian? Jadi ok, dalam sebuah rumah ada 1 orang yang memang HARDCORE ke majlis urang kawin (bagus kali ahhh). Setiap kali dorang datang kana bagi itu ini. Now do the maths. Berapa banyak perhiasan/buah tangan yang dapat dikumpulkan selama 20 tahun KALI lagi dengan 52? Udah dpt jawapannya kali dengan hardcore2 yang lain, berapakah jumlahnya? (I cannot believe you are actually using your mobile calculator to find out what the total is! haha)

Banyak kali ahhhh! Dimana kan menyimpan, dalam jamban? Dalam kerita? Dalam bilik tamu? Dalam lemarih? Dalam seluar? Ataupun dalam beg sekulah anak kamu.

Its true guys, I think bukan saja aku mengalami perkara ini first hand tapi kamu pun jua pernah merasa the annoyance of having to much stuff laying around. Sampai bila!!!????

Kannya apa yoes, kamu tau kan cemana Abdurrahman bin Auf, ia ani urang loaded habis sekali udah ya tau ia lambat masuk syurga disebabkan kekayaannya itu, ia pun bagi semua harta2 di jalan Allah.

Tani ani apa lagi, iman pun inda sampai tahap tabi'in ataupun sahabat, banyak lagi barang tani dari dorang sedangkan sahabat2 atu ada yang diconfirmkan masyuk syurga. Tani ada confirmation kan?

Hmmm, I wonder what would happen if tani ani tau tani ahli syurga? Kan asbestos macam waaaaa inda khuatir and stuff. Macam senyum saja memanjang. WAKE UP MAN!

Jantah prasan kan masuk syuga! Jiran pun dimarungi, kawan2 diumpat, urang miskin dibiarkan, perintah Allah dibuat dengan selamber. CEMANA!? Barang dikumpulkan, harta benda banyak sampai inda muat lagi almari. Terpaksa panggil contractor buat stor negara KHAS untuk rumah tani sambil memikirkan barang apa yang kan dibali lagi.

Ani sebenarnya untuk mengingatkan diriku dan biskita yang rasanya perlu kepada peringatan kerana peringatan beguna bagi orang2 yang mahu berfikir.

Interesting cemana dua sahabat nabi iaitu Abu Bakr dan Umar pasal infak ani sampai satu tahap Umar ani rasa ia kan "melawan" Abu Bakr dari segi bersedekah dijalan Allah tapi ahirnya inda ya mampu telawan pasalnya Abu Bakr ani segala-galanya ia sampai udah nabi tanya, apatah yang kau ada? Aku ada Allah dan rasulNya saja.

Masya Allah, sampai bilatah tane kan cemani dengan kehidupan yang cool. Bilatah tani kan bersusah payah dalam agama ani. Banar plang ada hadis yang berbunyi agama yang paling Allah sukai ialah agama yang mudah dan yang cenderung kepada kebaikan.

Jan plang salah faham terhadap islam dan diriku. Maksud me, bilakah masanya tane kan bersusah payah untuk masuk syurga? Ask ourselves this? ADAKAH jalan untuk masuk ke syurga atu di taburi dengan emas, permata, kreta SL500, duit seribu 10 inch? Jawapannya jawabin sendiri. Sebaliknye, adakah untuk masuk neraka atu dipenuhi dengan apa?

Tani pun tau daripada kisah2 nabi terdahulu, cemana dorang bersusah payah rasa dorang kan mendapatkan syurga Allah, apatah lagi redha Allah! Dui maa, kalau orang zaman ani, malas tah ingau kan susah2 kan bangun malam, posa sunat, ikat parut, berperang melawan musuh yang menJAJAH tanah tani, kan masak indomie sendiri, kan jait baju sendiri, kan basuh baju sendiri, kan menerikah baju sendiri.

Tani harapkan semua siap, ready made, malas tani kan tidur atas lapik ataupun tikar yang usang, malu tani kan hidup didalam rumah yang nada kursi meja, malu tani kalau kana liat kalau almari tani kosong, esbok nada makanan/minuman.

HIDUP ANITAH yang paling BANYAK ANCAMAN/FITNAH.

Etah tu, disebabkan STUFF yang tani ada. Tani maju dalam berlomba-lomba siapa dulu dapat itu, dapat ini, kawin 3 kawin 4, anak ke london, anak jadi engineer, anak jadi menteri dan sebagainya.

Tetapi tani lupa yang, janji ALLAH atu kukuh. INda ya kan mengubah apa yang udah ditetapkannya. Kalau nya Allah, setiap sesuatu atu diperhitungkan walaupun sebesar zarah, etah tu, apakan zarah (ZAI RO HA) [SYUKRANN:)] ani? Aku pun inda tau tapi grenti damit barangnya.

Apatah lagi yang basar2, macam rumah, tanah yang tani miliki dan lain2, mikin banyak stuff tani ada, mikin atutah susah hidup tani di akhirat. In fact, bukan saja tani hidup susah di akhirat tapi di dunia pun stress.

PASAL APA PULAKKK??

Pasal, kalau kan lalai memikirkan harta saja, dmana kan simpan barang, bali barang, simpan barang dan seterusnya sampai satu tahap, "ok! harta ani sudah ku mati arah siapa ku bagi ah??"

Paning kan!? Mudahan aku meninggalkan dunia ani dengan iman yang kuat saja, miskin kah ku ada kana hina..biar tia. AKU YAKIN DENGAN JANJI ALLAH.

Tapi bukan pulang semua suka stuff ani, Im sure readers yang ada jua inda suka pada harta-benda and some might argue, "kalau nada barang, cemana tah hidup tu?"

Banar tu nyataaaa, tapikan, macam imagine dalam rumah ada 3 orang saja tinggal dalamnya. TAPI galasnya sampai mencecah angka 100 galas. Indakan biul tu?

Sifat qana'ah ani yang perlu pada diri tani pasal dengan sifat ani, tani rasa syukur akan sesuatu, inda tani kan susah2 kan cari barang2 yang ada. Rasanya, kehidupan Rasulullah is sufficient enough for us to take lesson from..

Sorry guys, sebenarnya kalau ku menulis, aku baca lagi sekali agar aku tergertak dengan apa yang ku tulis and insha Allah kalau ku buat catu, aku akan sentiasa ingat di bumi siapa ku bertapak dan berteduh.

Allah pernah berfirman di dalam sebuah hadis kataNya lebih kurang, "Buleh kamu kufur kepadaku tapi ada syarat, syaratnya, jangan kamu tinggal di atas bumi ani, cartah bumi lain SAMA jangan kamu makan hasil bumi!!"

Aku menyeru kepada diriku dan dirimu agar tani sentiasa bertaqwa kepada Allah pasal etah saja tempat tani mengadu nasib tani hari2.

Allah Maha Kaya Lagi Maha Terpuji!

Love
Tapau

Pembuka Kata

Assalamu'alaikum kepada yang baru pernah masuk ke laman webku yang baru ani dan ku ucapkan syabas kerana meneruskan perjuangan.

Pembuka kata ani sebenarnya untuk membisaikan lagi blog ani. Macam buku2 sama movie2, mesti jua ada intro dulukan? inda kan tarus2 melumpat, karang lamas. Anyway, kenapaku inda semana-mana kan buat blog bertitle kotauapa ani?

Sebenarnya aku pun inda tau kenapa ku buat blog ani tapi ku rasa aku tau ganya inda ku dapat describe-in-words. Yang kamu mesti paham ialah niat ku untuk membuat blog ani bukan untuk cakap yang lucah ataupun kan mengucapkan mana-mana pihak. Blog ani khas ditujukan kepada yang mau membaca apa yang ku fikirkan sehari-hari.

Kadang2 aku fikirkan macammana kan ku masuk ke dalam utak kamu semua. Pasal tani ani banarnya, mau inda mau minat membaca bah, ganya kadang2 disebabkan faktor2 luaran dan dalaman, malas tia ketani, inda ja?

Sebagai Contoh kalau tani ada kawan yang besigup, tani pun lambat laun besigup. Kalau tani ada kawan yang suka main judi, tani pun ikut taya jua tu bah. The point is, tani ani selalu ikut apa yang kawan tani buat and ada pernah kamu dangar kah pasal hadis nabi atu yang antara lain berbunyi....mmm, inda tia ku ingat..susah ler

Yang penting hadis atu bermaksud kalau tani kan liat tingkah laku seseorang liat arah kawannya. Pasal kawan ani kadang2 ada yang baik and ada yang buruk. Kamu kamu perasan, aku sudah cakap pasal hadis pasal aku ani sangat gemar kepada baca tapi bukan plang tahap bookworm atu. Jaupalis

Masani aku sebenarnya blajar di sebuah universiti yang inda dapat ku getau disini, bukan plang ku takut aku buat salah pasal aku ani suka lowprofile. dari damit sudah bapaku ngajar cemana untuk inda menjadi urang yang femes. Kalau ku kana suruh femes, inda jua ku mau pasal, karang di mana mana ku bejalan, apa saja yang ku buat kana tagur..inda kan susah tu karang.

Jadi, apa yang ku tulis dalam blog ani kadang2 berunsurkan apa yang ku dangar, yang ku rasai sendiri dan apa yang ku nampak dan apa yang ku baca. Cara ku menulis barangkali lain daripada yang lain, kira one in a million kali, inda plang ku tau ah.. ganya yang ku liat dluar atu, bloggers selalu cakap macam di bawah ani:

So, I wake at 7am this morning and had breakfast at tiffany's. I had a weird dream last night that I almost peed myself all over. The weather isn't so bright today and i feel soooooo blue..Awww, i love my boyfirend, he's so perfect for me..

Aku insya Allah inda kan cakap pasal diriku ataupun keluarga dan saudara2ku, kalau ada tagurku saja pasal biasalah aku ani manusia biasa saja macam kamu jua, ganya aku memandang jauh ke hadapan. Bah, barangkali atu saja yang dapat ku sampai buat masa sekarang. aku mengupdate blog ku tiap kali ku ada masa, mungkin 3 kali sehari, mungkin seminggu sekali dan mungkin jua sebulan sekali tapi kalau inda beupdate langsung atu mungkin aku sudah nada lagi.

Harapanku. Ku harap yang membaca atu dapat memberikan sedikit insight cemana ku fikir, bukan plang maksudnya, masuk ke otak ku, aku mau urang merasa dan berfikir apa yang cuba ku sampai and semoga content dalam ani dapat dimanfa'atkan sehingga ke akhir zaman, insya Allah. That's all for now.

Wassalam

Tapau