Aku lagi hensem kalah kamu..muahahaha

It spreads like a bad disease and it cannot be stopped until someone steps up and take charge of the situation. Apakan? Anu bah, kebanyakan tani ani inda mau kalah. Selalunya kraja parents ni mengcompare tani dengan anak urang lain, aku pun naik hangin satu badan..apa dah jadi dengan dunia ani, itu kan dibanggakan ini kan dibanggakan dan seterusnya. Bagiku sendiri di dunia ani nada apa kan dibanggakan...eh wang, sasat sulnya ko ani! sabar dulu, dangar dulu hujah ku k. pisang panas

Pasal apa nada apa2 kan dibanggakan, pasal selagi masih ada gejala2 ataupun ajaran2 yang memesong dari ajaran agama islam yang tulin, selagi atu tah, kraja atu bejalan. Mungkin, ada di antara tani ani kalau kan speaking numbur satu, urang putih pun na tau apa kan dijawabnya apa lagi urang melayu sendiri.. bukannya apa. ketani ani sudah ada degree, master dan seterusnya, rasa bangga atu ada, naik keta yang mahal2 bangga, tinggal d umah basar, bangga, even bersaudara dengan urang kaya pun rasa bangga.

Cani, mungkin ada manusia ani tani liat ia ani wow masya Allah mantap tahap kronik tapi kalau tani liat lebih dalam lagi, kalau di mata Allah (point of view) cemana urang ani? etah bahaya ni yo kalau niat tani lari. Pasal atu ku cuba elakkan daripada bangga2 ani walaupun kadang2 payah. Sebagai contoh kan, mungkin ada di antara tani yang beuncle or benini dengan menteri2 and so on, ahhh..masa ani lah rasa untuk mengambang. Did u know kambang ani besaudara dengan riya? And riya ani lebih kurang cam sombong and sombong pun adi bradi jua dengan megah

Megah (kemegahan) ani kamu tau siapa punya? Allah yang punya and kenapa pulang tani kan asi2 kan riya? Apa jua tani ada? Kan meliat brapa ramai urang yang mati kelmarin pun inda tani tau, apa lagi urang yang kan mati esuk. Dah lagi, kalau banar tah tani ada banar ada sesuatu perkara yang kan dibanggakan sekiranya, dapat first class honors for degree, and then what? adakah ia akan buat kamu happy selama-lamanya? i think not..

bukan plang bermaksud tani ani inda dapat kambang ganya mesti tani berpada-pada, inda payah tani kan susah2 membagitau urang anak tani atu dapat s'ship ataupun naik pangkat ataupun dapat sabun emas ataupun dapat meliat benda2 yang ghaib, maintain cool saja and cuba try not to harapkan pujian daripada kebaikan ataupun KEJAHATAN yang tani lakukan. kalau kejahatan pun kan harapkan pujian, mati tu eh..

Tapi dalam keadaan dunia sekarang, macam2 buleh jadi. anak buah penjahat pun harapkan habuna daripada harta curian and ia akan cuba untuk mengampu sehabis-habisnya rah boss jahat tadi. Apalagi benda2 yang baik, we just never know when SETAN ani kan masuk ke dalam diri anak adam TAPI inda kan tani biarkan yang menyusup masuk. Sediakanlah benteng2 yang sepatutnya..ani panjang kali ni so aku bagi satu tip saja, dekat diri kamu dengan Allah niscaya setan atu kan menghampiri kamu pun gagar tus.

Jadinya, tani di dunia yang penuh dengan tipu daya ani inda dapat harapkan sangat arah manusia pasal manusia banarnya inda mempunyai apa2 AND dorang inda dapat mendatangkan kemudaratan ataupun kebaikan rah tani NOT UNLESS Allah sudah takdirkan. Dalam sikit ni bahasanya ani, bek tah kamu baca buku lagi especially quran pasal bnyk bah banarnya yang bulih kamu pelajari dari quran. Tani hanya berharap kepada Allah, penguasa langit dan bumi dan apa yang ada di antara keduanya, semua jua kan tu

So kengkawan2 ku yang ku kasihi, berbuat baiklah dan cegahlah apa2 yang talur2 and cuba untuk inda harapkan pujian ataupun balasan daripada siapa2 sal caya lah, apa yang kamu buat atu akan kamu terima habuannya nanti di akhirat semasa kamu bersua dengan Pencipta tani yang Maha Kaya Lagi Maha Mulia..niat luruskan k :)

Bacalah apa yang sudah diturunkan kepadamu dan sampaikan.