Putik Kutip

Assalamu'alaikum geng2 ku yang berada di uk, canada, malaysia dan terutama duakali brunei yang kucintai sama bendera2 yang indaku kenali. Puji dan syukur ku panjatkan kepada Allah yang mengerakkan atiku untuk meneruskan menulis walaupun meses yang ku sampaikan atu kamu sudah tau and walaupun inda ramai yang membaca situs ani tapi dengan izin Allah, akan ku pertahankan websiteku sehinggalah aku mencecah usia yang tua nanti and by then aku harap hatiku ani sudah menjadi lembut sama macam kapas. Ingat objektif ku awal2..tuk apa ah..? untuk menyedarkan kamu2 yang hang2 ataupun yang masih hanyut dalam dunia yang bnyk tipudaya ani. kamu ganya inda tau.

Beckp pasal hanyut ani kan, kalau kamu liat perahu di kampong ayer ataupun apa2 saja yang hanyut, butul plastik kah, tin pepsi kah, ataupun lampin baby yang kana buang2 cematu saja, prasan kamu yang barang2 atu, lari ikut arus air atu. Kalau air atu pasang, lari ya ke kiri tu or kanan and kalau surut, ke siring ya tu sampai it reaches a point tempat ia meyangkut. Paning plang ah tapi what im tellin u is brg2 yang hanyut atu macam lost di lautan yang luas ataupun sungai yang kabut kalernya and yang kesiannya nada sesiape yang cuba untuk menyelamatkan ataupun mengeluarkan sampah2 disungai atu lalu diproses ataupun di recycle menjadi sesuatu yang baru?

RECYCLE adalah perkataan yang luas pasal bagiku PASAL? bukan benda saja yang dapat diproses menjadi baru tapi manusia dan binatang pun dapat. WHAT! he tok'n nonsense yo! Cemani, kalau kamu putik atau kutip sampah atu, macam butul2an kah ataupun tin tin nan, tani buleh ambil barang2 ani and hantar ditempat mengumpulan barang2 sampah. Lapas itu, dicarai2kan tia, ada untuk tin, ada untuk kratas ada untuk brg2 plastik and so on. Lapas atu barang2 ani mesti lagi ditapis sal bukan semua yang dapat digunakan and brg2 yang inda dapat diproses atu terpaksa tah dibuang ataupun ditanam ke dalam bumi supaya inda samak dunia ani.

Lapas sampah2 yang terpilih ani diselect, lapas atu baru tah diproses menjadi sesuatu yang baru, baju baru, kasut baru, tabir baru, segala-galanya baru..wuhuuuu. Aku batah udah inda ada barang baru sal aku inda mampu membali brg2 yang kamu pakai atu..pi inda papa sal aku happy..hehe. anyway, lapas brg2 yang diproses atu sudah bersih dicuci, kana jual and kana bali uleh manufacturer yang memerlukan untuk membuat barang baru dengan menggunakan metal2, kertas lama (yang dpt dipakai semula). Selalunya barang2 yang dugunapakai ani adalah seperti tisu2an, kratas2 surat khabar, kotak2, kotak TAPAU dan sebagainya. Butul pun inda ketinggalan, lau kamu liat ada tu logo "recycled paper". lebih kurang catulah.

Nak dijadikan ceghita, analogi ataupun perumpaan manusia adalah macam atu tapi lebih towards ati tani. Eh balik2 jua ckp sal hati ani, karang jatuh hati siapa yang susoh? Well, hati ani macam enjin keta bah, the driving force of a certain object. Kalau enjin keta rusak, cana kan ke miri? inda ja? Kalau hati rusak, efeknya lebih teruklah. Pasal atu kalau tani liat, bnyk urang buka sana buka sini, pacah sana pacah sini, tapuk sana tapuk sini, tipu sana tipu sini. Disebabkan hati ani lah punca segala maksiat atu.

Jadinya, cuba kamu imagine dunia ani sebagai sebuah lautan yang wow tapi bnyk sampah2 bejurit. Laut ani akan lebih jadi wow kalau semua urang help out untuk membersihkan each sampah2 tadi atu. Ingat ku pesan seorang ulama pi inda ku ingat namanya (i know i know im not supposed to do this tapi ku rasa penting untuk direnungkan) [citation needed]. Kisah nya cani, ulama atu cakap jadilah kamu macam sebuah biji kelapa yang berada di tepi pantai and sudah tani jatuh, tani akan hanyut sehingga tani terdampar disebuah pulau yang tandus(aku pun inda tau maknanya tapi macam ngam kan). Selepas atu kepala atu, walaupun berada dalam keadaan dan suasana yang baru, biji kelapa atu tadi masih dapat tumbuh dengan segar sampai menjadi pokok kelapa yang baru.

Pokok kelapa tadi atu berbuah dan urang2 yang berada disana dapat memanfa'atkan hasil dari sebiji kelapa tadi atu. Untuk minum, untuk buat sayur, untuk ubat, daunnya dijadikan untuk atap dan pelapah daun kelapa atu dapat digunakan untuk kanak2 bemain. TUPAI pun dapat ambil kesempatan ani untuk naik atas pokok kelapa atu and jadi spy, kalau ada musuh2 yang datang dari jauh. Imagine saja, dari satu pokok kelapa atu, macam2 yang tani dapat.

Sepatutnya, tani punya sikap cematu, walaupun ketani berada dalam suasana yang baru tapi, tani masih mampu menolong urang yang lama udah disana. tani getau dorang ani salah dengan cara baik and inda kasar. tani tulung orang yang macam lost and lead them to the right path and bukan saja orang lost tadi atu balik ke jalan yang lurus tapi ia pun menyambung usaha untuk menyuruh urang lain membuat baik. So, ia punya circle atu cematu, pokok kelapa ani ku rasa besambung sambung zuriatnya, kamu liat saja, biji kelapa yang ampai2 inda begarak..inda batah..lebih tinggi dari atap rumah kamu tu.

Jadi, orang2 yang hatinya hang ani sebenarnya dapat ketani tulung untuk baiki because setiap kesusahan yang dilalui, urang2 dulu pernah lalui udah ganya the only way to find out is by finding out what is the right way to help these people. Artikel ani bukan saja ku tujukan arah yang membaca tapi ku tujukan khas buat diriku yang serba kekurangan dan dhoif ani. geng2ku sekalin, ingat, jangan kamu putus asa pasal Allah sentiasa menunggu hamba2 untuk balik kepadaNya. Inda jua cam ceramah kan ni!? eke eke

Oh ye, bukan maksudnya urang yang hati2 nya rosak ani sampah ah, krg salah tafsir aku yang habis. Sampah atu perumpaan hati2 yang inda kana pedulikan yang perlu kepada pertolongan yang perlu dikutip/putik dan diproses menjadi seorang yang mantap habis dari segi sikap, cakap dan dari semua hal. Wallahu'alam.

ps: typo sudah terbiasa and siapa terasa sorry sal this is merely directed to me and siapa yang mau membaca saja. Kalau ada typo ataupun penggunaan perkataan yang kamu rasa inda sesuai, ganti saja dengan perkataan yang sesuai k. Peesang mengandungi pottasium untuk perkembangan muscle, siapa tecramp selalu, mkn pisang bnyk2. Outta hea!