Assalamu'alaikum kepada semua yang pandai membaca/meliat. Pasal apa ku ucapkan salam saja rah urang yang pandai membaca pasal kalau seseorang atu inda pandai membaca, inda ya kan masuk ke blog ani. inda ja? ataupun membaca surat khabar dan majalah perempuan dan sebagainya. Dorang jenis ani brgkali suka meliat gmbr yang diselitkan dalam internet surat khabar dan sebagainya.
Aku banarnya kesian kan urang inda pandai membaca ani kerana dorang inda akan tau cemana kan meningkatkan ilmu dorang. Sebagai contoh ah, aku ada menerima emel daripada seorang insan yang berjiwa mulia. Emel atu basically ckp pasal orang tua ani yang krajanya mengayuh saja. so hari hari ia mengayuh mengayuh dan mengayuh. hold up!? Ada siapa2 yang inda tau perkataan mengayuh ani kah? bek jua ku beritau sebelum aku hanyut mikin jauh lagi.
Well, kamu tau urang yang pakai perahu atu kan, urang dulu2 mana ada pakai enjin cam masa ani, orang dulu pakai sejenis kayu untuk mengerakkan perau atu. kalau inda paham, tanya ketua kampong ayer, brgkali dorang dpt memberitau dengan lebih terperinci lagi pasal aku ani inda jua brapa tau pasal bekayuh ani. Etabah, so urang tadi ani kraja mengayuh saja. So one day, ada tia researcher (penyelidik) ani, ia ani kira penyelidik dalam negeri yang moden, yang inda tau papa pasal negeri nya sendiri. krajanya menyelidik air so paci (pengayuh) ani tadi bawanya lah ke hulu ke hilir dengan bayaran yang berpatutan.
Penyelidik ani hairan pasal selalunya kalau ia kan turun ke sungai, ada2 saja soalan yang kana tanya arahnya tapi kali ani lain, inda ya kana tanya...So ia pulang betanya rah pengayuh tadi ani. Sabar before ku sambung rasanya malas ku kan taip PENGAYUH atu balik2, etah start dari sini ku pakai P saja ah. Eh, baru ku ingat penyelidik pun panjang tia jua, kalau catu, ku buat penyelidik atu sebagai Y. Ahhh..ani sanang jua dikit.
Sekali mari tani liat apa dorang cakapkan di bawah ani:
y: Paci, kita dari bila sudah kraja cemani ani?
p: Inda jua lama wang..dari dulu sudah..
y: lama udah tu paci, bek kita inda boreng tu?
p: boreng atu boreng plang tapi etah caraku membagi bini anakku makan ni..
y: kesian jua ah..aku ani banarnya professor penyelidik dari universitas dari emirica, aku ani selalu membuat experimen pasal air macam jenis air apa yang baik sama air apa yang bekuman
p: prasanku, semua air ani baik wang, kalau ya inda baik, mengigit ya sudah..
y: ???
y: jadi paci, ani tah saja yang kita tau ni?
p: cematu pulang lai
y: jadi, ilmu yang kita ada ani mengayuh saja, ilmu biologi, fisik sama mib inda tah kita tau tu?
p: au...tapi pasal ilmu ugama atu dalam plang tu..
Inda semana-mana ada tia ombak basar..dush!!!
y: tulung, tulungku!!
p: eh wang, ko ani profesor saja tapi branang pun ko inda tau!
ceta ani kalau sesiapa yang pernah menerima emel yang sepertinya, luruskan saja, kalau inda luruskan pun inda papa pasal malas ku kan mengubah lagi, terima apa saja yang ada k. pis:).
Pelajaran yang dapat tani ambil ani ialah ketani inda buleh underestimate orang yang berkelulusan randah pasal experience ataupun pengalaman yang dorang ada atu buleh mengalahkan ilmu yang tani ada..padih kali ah. kadang2 ketani ada ilmu tapi ketani inda tau cana kan mengamalkannya. Kadang2 terlalu bnyk ilmu ani susah jua tapi kalai terlalu dikit susah jua. tani mesti pandai mencari leverage (keseimbangan) dalam sesuatu atu.
Jadi, tani mesti amalkan sifat membaca atu untuk kepentingan agama bangsa dan negara. Pernah kamu mendangar kali kisah nabi dulu. masa ia first time terima wahyu dari Allah. Masa jibril turun ia cakap "BACA!" skali nabi ckp "aku inda tau membaca". Sekali jibril ckp "BACA!!". sekali nabi cakap "aku inda pandai membaca", sekali yang ketiga kali jibril cakap "baca!". lapas atu barutah nabi mengikut apa yang dibaca oleh malaikat jibril.
Just in case y 'all dont know, ayat yang awal2 sekali diturunkan adalah Surah Al Alaq ayat 1-5. Apa yang dapat tani pelajari daripada kisah nabi atu tadi. Kamu tau nabi muhammad atu ummi? Iaitu ia ani inda pandai membaca dan inda menulis tapi sudah kana paksa atu, ahirnya mau tah jua. Jadi, tani mana ada alasan kan inda mau belajar. urang buta sama bisu lagi mau belajar, apalagi tani yang dpt membaca ani. Hakikatnya catu..terima saja tia k
Yang penting tani mesti tanamkan sifat mau membaca atu pasal kalau tani inda mau ketinggalan bus. kalau ketinggalan bus susah yo, terpaksa tunggu yang the next one. Kalau tani liat saja urang di emerica, aku bukan plang kan membangga bangga kan dorang ani ganya bnyk yang tani buleh ambil bah dari dorang ani. Salah satunya membaca atu, kalau sesiapa pernah ke sana, liat saja, di tangan dorang ada buku tu ataupun surat khabar. jangantah jauh, singapore, cinanya bnyk yang memigang buku dlm bus, lrt dan dlm kapal terbang. orang ketani sampai bila kan maju.
Sedih plang ah and membagi haiyan, dorang suka membaca ani bukan urang islam. Orang islam pulang yang jadi malas ani, apatah lagi kan membaca qur'an atu..masa damit kali ganya, aku pun menasihati diriku yang bnyk kurang ani jua pasal aku ani macam kamu jua ganya aku mau kan menjadi orang yang lebih baik daripada kawan2 ku yang dulu2. apa bar dorang banar ah? selamat beristeri rehat semua :)
31 Januari 2009
Tuala
Assalamua'alaikum kepada penonton yang dihormati sekalian. Apa bar semua? Mudahan tani sehat pasal di dunia ani kan macam2 ada. Ada urang ngusut sal itulah, ada urang ngusut sal inilah. Tapi hari2 tani dangar dari famili tani dan kengkawan tani, grenti dorang ada merungut pasal something. Anyway, lets get onto post ku yang pertama..*drum roll please*
Kadang2 tani ani mesti bisai2 jua membali barang, kadang2 bukan yang tani sangkakan. Biasalah kan, tani ani didatangkan macam2 cobaan macam banjir, temparik, landslide, kana curi barang, kehilangan kucing yang tersayang dan kana marahi uleh cikgu tani ataupun boss tani. Tapi cobaan ani tani mesti play cool saja pasal kalau tani marah tarus, bida bah sulnya..macam tani atu lamah bah tapi banarnya inda..tani cuba saja untuk jadi urang yang kuat..bukan kuat makan tapi kuat mengontrol marah.
oh iye, lupa ku cakap pasal cobaan tuala. seriatu aku ada membali tuala yang lawa ani, harganya pun kira not bad lah..sekali apa nah? tuala yang ku sangka buleh meresap air ani menipu aku. fabrik ataupun material yang digunakan atu inda brapa melakat bah. kalau kamu pernah mengalami apa yang ku rasa, share2 sikit lah, kalau dapat bagi tips cemana kan memastikan tuala atu meresap air sampai sekali lap karing tarus kulit. Banarnya aku pun inda tau, nampak aku atu jahil pasal membali barang2 membersihkan badan.
Beckp pasal membersihkan badan ani. Menjaga Kebersihan adalah penting untuk memastikan kecerdasan otak ketani dan jua tani punya fisikal gitu loh. Pasal kalau badan tani sentiasa bersih, orang pun suka hampir2 dangan tani. Maksudku disini, kalau tani ada kawankan and tani sentiasa harum saja and inda bau asyum, orang suka becakap dengan tani dengan inda mengerut dahi dorang sal bulu mulut tani bebau atau tani bau angit.
Kadang2 orang inda sadar dorang atu bebau and pasal atu tani mesti dibagi taguran can bersistematik pasal kalau inda kana bagi buku garis lima karang. Jadi, cemana kian menagur urang cara bersistematik ani? Well, caranya sanang saja bui..ikut saja cara di bawah ani, insya Allah sukses selalu:
Tani : Eh wang, ada ko keciuman bau kah?
Kawan tani : Bau…bau apa?
Tani : Ntah ah..macam bau kantut ada jua
Kawan tani : Eh, ko ani kasar ah! ko pikir aku yang bekantut kah?
Tani : Sabar dulu wang..nyangku, MACAM bau kantut..paham kah?
Kawan tani : Ahh…dimana kan bau atu datangnya?
Tani : Ntah, aku baru jua mandi tadi lapas suboh..indakan aku yang bebau. Ani
baru jua pukul 6
Kawan tani : ….
Tani : Kalau bau atu bukan datang dari kau, barangkali jin tah kali tu pasal tani 2
orang jua ganya disini ani..
Kawan tani : kali jua ah..takut ku ko ani eh
Cuba perhatikan bisai2 percakapan di atas atu, cara tani menagur kawan tani atu tadi cara berhikmah, bukannya mengucapkan ia tarus2. Logiklah banarnya. Contoh di atas atu bukan plang restricted to kantut plang. Boleh jua bau2 lain. Kalau bau dalam cemani:
Tani : Eh bui, macam lain saja bau ani?
Kawan tani : Bau..bau apa kian?
Tani : macam bau damal bah
Kawan tani : Adakan?
Tani : Macam ada jua (sambil mencium baju tani sendiri)
Tani : Tapi, baju ku macam ok pun. Aku kalau hal2 baju ani, sentiasa ku pastikan
Baju2 yang ku sidai atu karing, kalau inda karing inda ku memakai tu
Kawan tani : tapi yo..kadang2 payah jua kan karing bah sal hujan saja kali ah
Secara inda senghaja tani atu membagitau kawan tani yang baju nya atu patut dikaringkan and jangan pakai saja2. walaupun gagas. Tapi banarkan, tani ani selalunya kalau sudah suka dengan baju yang tani biasa pakai atu, we tend to pakai walaupun baunya inda sodap.
The point is, tani mesti menagur apa2 saja atu cara berhikmah macam kalau kamu pernah liat tv indon hikmah atu, macam2 yang buleh kamu dapat ganya kadang2 ada benda2 yang disepatutnya atu berlaku lah. Hikmah ani maksudnya secara manis menagur. Kalau inda paham google tia word atu supaya tani lebih hati2 masa menagur kawan famili dan siapa saja.
Mcm keluar topic plang sedikit topik tapi inda apa lah ah pasal aku ani manusia biasa jua macam kamu ganya aku mau menaikkan taraf ku lebih jadi orang biasa. Bukan plang maksudnya aku mau jadi dato pehin datu dan sebagainya pasal as I mentioned awal2, aku inda mau high profile pasal aku ani bersikap pemalu sama hidupku masani ani selesa sudah Alhamdulillah..
Untuk menutop artikel kali ani, aku kan cetakan sikit apa yang ku liat kelmarin, kadang2 jam di sana sini disebabkan oleh drive pelahan kan meliat apa sudah jadi and kadang2 urang pelahan untuk mengelak daripada ketanya kamah dan sebagainya. Kadang2 stress jua lah drive ani tapi mau inda mau terpaksa jua kan..bukannya ada driver. So kalau ada siapa2 yang suka branti meliat kejadian alam ataupun suka meliat nasib urang yang accident, bek plang kamu ke pantai ataupun kamu ke tempat workshop pasal dsana lagi macam2 jenis keta. Ada yang kondem ada yang balah dua dan ada yang hancur.
Tani doakan saja orang2 yang inda bernasib baik atu untuk lebih hati2 dijalanraya pasal jalanraya adalah tanggungjawab bersama..inda ja?
Sekian dulu. wassalam
Kadang2 tani ani mesti bisai2 jua membali barang, kadang2 bukan yang tani sangkakan. Biasalah kan, tani ani didatangkan macam2 cobaan macam banjir, temparik, landslide, kana curi barang, kehilangan kucing yang tersayang dan kana marahi uleh cikgu tani ataupun boss tani. Tapi cobaan ani tani mesti play cool saja pasal kalau tani marah tarus, bida bah sulnya..macam tani atu lamah bah tapi banarnya inda..tani cuba saja untuk jadi urang yang kuat..bukan kuat makan tapi kuat mengontrol marah.
oh iye, lupa ku cakap pasal cobaan tuala. seriatu aku ada membali tuala yang lawa ani, harganya pun kira not bad lah..sekali apa nah? tuala yang ku sangka buleh meresap air ani menipu aku. fabrik ataupun material yang digunakan atu inda brapa melakat bah. kalau kamu pernah mengalami apa yang ku rasa, share2 sikit lah, kalau dapat bagi tips cemana kan memastikan tuala atu meresap air sampai sekali lap karing tarus kulit. Banarnya aku pun inda tau, nampak aku atu jahil pasal membali barang2 membersihkan badan.
Beckp pasal membersihkan badan ani. Menjaga Kebersihan adalah penting untuk memastikan kecerdasan otak ketani dan jua tani punya fisikal gitu loh. Pasal kalau badan tani sentiasa bersih, orang pun suka hampir2 dangan tani. Maksudku disini, kalau tani ada kawankan and tani sentiasa harum saja and inda bau asyum, orang suka becakap dengan tani dengan inda mengerut dahi dorang sal bulu mulut tani bebau atau tani bau angit.
Kadang2 orang inda sadar dorang atu bebau and pasal atu tani mesti dibagi taguran can bersistematik pasal kalau inda kana bagi buku garis lima karang. Jadi, cemana kian menagur urang cara bersistematik ani? Well, caranya sanang saja bui..ikut saja cara di bawah ani, insya Allah sukses selalu:
Tani : Eh wang, ada ko keciuman bau kah?
Kawan tani : Bau…bau apa?
Tani : Ntah ah..macam bau kantut ada jua
Kawan tani : Eh, ko ani kasar ah! ko pikir aku yang bekantut kah?
Tani : Sabar dulu wang..nyangku, MACAM bau kantut..paham kah?
Kawan tani : Ahh…dimana kan bau atu datangnya?
Tani : Ntah, aku baru jua mandi tadi lapas suboh..indakan aku yang bebau. Ani
baru jua pukul 6
Kawan tani : ….
Tani : Kalau bau atu bukan datang dari kau, barangkali jin tah kali tu pasal tani 2
orang jua ganya disini ani..
Kawan tani : kali jua ah..takut ku ko ani eh
Cuba perhatikan bisai2 percakapan di atas atu, cara tani menagur kawan tani atu tadi cara berhikmah, bukannya mengucapkan ia tarus2. Logiklah banarnya. Contoh di atas atu bukan plang restricted to kantut plang. Boleh jua bau2 lain. Kalau bau dalam cemani:
Tani : Eh bui, macam lain saja bau ani?
Kawan tani : Bau..bau apa kian?
Tani : macam bau damal bah
Kawan tani : Adakan?
Tani : Macam ada jua (sambil mencium baju tani sendiri)
Tani : Tapi, baju ku macam ok pun. Aku kalau hal2 baju ani, sentiasa ku pastikan
Baju2 yang ku sidai atu karing, kalau inda karing inda ku memakai tu
Kawan tani : tapi yo..kadang2 payah jua kan karing bah sal hujan saja kali ah
Secara inda senghaja tani atu membagitau kawan tani yang baju nya atu patut dikaringkan and jangan pakai saja2. walaupun gagas. Tapi banarkan, tani ani selalunya kalau sudah suka dengan baju yang tani biasa pakai atu, we tend to pakai walaupun baunya inda sodap.
The point is, tani mesti menagur apa2 saja atu cara berhikmah macam kalau kamu pernah liat tv indon hikmah atu, macam2 yang buleh kamu dapat ganya kadang2 ada benda2 yang disepatutnya atu berlaku lah. Hikmah ani maksudnya secara manis menagur. Kalau inda paham google tia word atu supaya tani lebih hati2 masa menagur kawan famili dan siapa saja.
Mcm keluar topic plang sedikit topik tapi inda apa lah ah pasal aku ani manusia biasa jua macam kamu ganya aku mau menaikkan taraf ku lebih jadi orang biasa. Bukan plang maksudnya aku mau jadi dato pehin datu dan sebagainya pasal as I mentioned awal2, aku inda mau high profile pasal aku ani bersikap pemalu sama hidupku masani ani selesa sudah Alhamdulillah..
Untuk menutop artikel kali ani, aku kan cetakan sikit apa yang ku liat kelmarin, kadang2 jam di sana sini disebabkan oleh drive pelahan kan meliat apa sudah jadi and kadang2 urang pelahan untuk mengelak daripada ketanya kamah dan sebagainya. Kadang2 stress jua lah drive ani tapi mau inda mau terpaksa jua kan..bukannya ada driver. So kalau ada siapa2 yang suka branti meliat kejadian alam ataupun suka meliat nasib urang yang accident, bek plang kamu ke pantai ataupun kamu ke tempat workshop pasal dsana lagi macam2 jenis keta. Ada yang kondem ada yang balah dua dan ada yang hancur.
Tani doakan saja orang2 yang inda bernasib baik atu untuk lebih hati2 dijalanraya pasal jalanraya adalah tanggungjawab bersama..inda ja?
Sekian dulu. wassalam
30 Januari 2009
Pembuka Kata
Assalamu'alaikum kepada yang baru pernah masuk ke laman webku yang baru ani dan ku ucapkan syabas kerana meneruskan perjuangan.
Pembuka kata ani sebenarnya untuk membisaikan lagi blog ani. Macam buku2 sama movie2, mesti jua ada intro dulukan? inda kan tarus2 melumpat, karang lamas. Anyway, kenapaku inda semana-mana kan buat blog bertitle kotauapa ani?
Sebenarnya aku pun inda tau kenapa ku buat blog ani tapi ku rasa aku tau ganya inda ku dapat describe-in-words. Yang kamu mesti paham ialah niat ku untuk membuat blog ani bukan untuk cakap yang lucah ataupun kan mengucapkan mana-mana pihak. Blog ani khas ditujukan kepada yang mau membaca apa yang ku fikirkan sehari-hari.
Kadang2 aku fikirkan macammana kan ku masuk ke dalam utak kamu semua. Pasal tani ani banarnya, mau inda mau minat membaca bah, ganya kadang2 disebabkan faktor2 luaran dan dalaman, malas tia ketani, inda ja?
Sebagai Contoh kalau tani ada kawan yang besigup, tani pun lambat laun besigup. Kalau tani ada kawan yang suka main judi, tani pun ikut taya jua tu bah. The point is, tani ani selalu ikut apa yang kawan tani buat and ada pernah kamu dangar kah pasal hadis nabi atu yang antara lain berbunyi....mmm, inda tia ku ingat..susah ler
Yang penting hadis atu bermaksud kalau tani kan liat tingkah laku seseorang liat arah kawannya. Pasal kawan ani kadang2 ada yang baik and ada yang buruk. Kamu kamu perasan, aku sudah cakap pasal hadis pasal aku ani sangat gemar kepada baca tapi bukan plang tahap bookworm atu. Jaupalis
Masani aku sebenarnya blajar di sebuah universiti yang inda dapat ku getau disini, bukan plang ku takut aku buat salah pasal aku ani suka lowprofile. dari damit sudah bapaku ngajar cemana untuk inda menjadi urang yang femes. Kalau ku kana suruh femes, inda jua ku mau pasal, karang di mana mana ku bejalan, apa saja yang ku buat kana tagur..inda kan susah tu karang.
Jadi, apa yang ku tulis dalam blog ani kadang2 berunsurkan apa yang ku dangar, yang ku rasai sendiri dan apa yang ku nampak dan apa yang ku baca. Cara ku menulis barangkali lain daripada yang lain, kira one in a million kali, inda plang ku tau ah.. ganya yang ku liat dluar atu, bloggers selalu cakap macam di bawah ani:
So, I wake at 7am this morning and had breakfast at tiffany's. I had a weird dream last night that I almost peed myself all over. The weather isn't so bright today and i feel soooooo blue..Awww, i love my boyfirend, he's so perfect for me..
Aku insya Allah inda kan cakap pasal diriku ataupun keluarga dan saudara2ku, kalau ada tagurku saja pasal biasalah aku ani manusia biasa saja macam kamu jua, ganya aku memandang jauh ke hadapan. Bah, barangkali atu saja yang dapat ku sampai buat masa sekarang. aku mengupdate blog ku tiap kali ku ada masa, mungkin 3 kali sehari, mungkin seminggu sekali dan mungkin jua sebulan sekali tapi kalau inda beupdate langsung atu mungkin aku sudah nada lagi.
Harapanku. Ku harap yang membaca atu dapat memberikan sedikit insight cemana ku fikir, bukan plang maksudnya, masuk ke otak ku, aku mau urang merasa dan berfikir apa yang cuba ku sampai and semoga content dalam ani dapat dimanfa'atkan sehingga ke akhir zaman, insya Allah. That's all for now.
Wassalam
Tapau
Pembuka kata ani sebenarnya untuk membisaikan lagi blog ani. Macam buku2 sama movie2, mesti jua ada intro dulukan? inda kan tarus2 melumpat, karang lamas. Anyway, kenapaku inda semana-mana kan buat blog bertitle kotauapa ani?
Sebenarnya aku pun inda tau kenapa ku buat blog ani tapi ku rasa aku tau ganya inda ku dapat describe-in-words. Yang kamu mesti paham ialah niat ku untuk membuat blog ani bukan untuk cakap yang lucah ataupun kan mengucapkan mana-mana pihak. Blog ani khas ditujukan kepada yang mau membaca apa yang ku fikirkan sehari-hari.
Kadang2 aku fikirkan macammana kan ku masuk ke dalam utak kamu semua. Pasal tani ani banarnya, mau inda mau minat membaca bah, ganya kadang2 disebabkan faktor2 luaran dan dalaman, malas tia ketani, inda ja?
Sebagai Contoh kalau tani ada kawan yang besigup, tani pun lambat laun besigup. Kalau tani ada kawan yang suka main judi, tani pun ikut taya jua tu bah. The point is, tani ani selalu ikut apa yang kawan tani buat and ada pernah kamu dangar kah pasal hadis nabi atu yang antara lain berbunyi....mmm, inda tia ku ingat..susah ler
Yang penting hadis atu bermaksud kalau tani kan liat tingkah laku seseorang liat arah kawannya. Pasal kawan ani kadang2 ada yang baik and ada yang buruk. Kamu kamu perasan, aku sudah cakap pasal hadis pasal aku ani sangat gemar kepada baca tapi bukan plang tahap bookworm atu. Jaupalis
Masani aku sebenarnya blajar di sebuah universiti yang inda dapat ku getau disini, bukan plang ku takut aku buat salah pasal aku ani suka lowprofile. dari damit sudah bapaku ngajar cemana untuk inda menjadi urang yang femes. Kalau ku kana suruh femes, inda jua ku mau pasal, karang di mana mana ku bejalan, apa saja yang ku buat kana tagur..inda kan susah tu karang.
Jadi, apa yang ku tulis dalam blog ani kadang2 berunsurkan apa yang ku dangar, yang ku rasai sendiri dan apa yang ku nampak dan apa yang ku baca. Cara ku menulis barangkali lain daripada yang lain, kira one in a million kali, inda plang ku tau ah.. ganya yang ku liat dluar atu, bloggers selalu cakap macam di bawah ani:
So, I wake at 7am this morning and had breakfast at tiffany's. I had a weird dream last night that I almost peed myself all over. The weather isn't so bright today and i feel soooooo blue..Awww, i love my boyfirend, he's so perfect for me..
Aku insya Allah inda kan cakap pasal diriku ataupun keluarga dan saudara2ku, kalau ada tagurku saja pasal biasalah aku ani manusia biasa saja macam kamu jua, ganya aku memandang jauh ke hadapan. Bah, barangkali atu saja yang dapat ku sampai buat masa sekarang. aku mengupdate blog ku tiap kali ku ada masa, mungkin 3 kali sehari, mungkin seminggu sekali dan mungkin jua sebulan sekali tapi kalau inda beupdate langsung atu mungkin aku sudah nada lagi.
Harapanku. Ku harap yang membaca atu dapat memberikan sedikit insight cemana ku fikir, bukan plang maksudnya, masuk ke otak ku, aku mau urang merasa dan berfikir apa yang cuba ku sampai and semoga content dalam ani dapat dimanfa'atkan sehingga ke akhir zaman, insya Allah. That's all for now.
Wassalam
Tapau
Langgan:
Catatan (Atom)